இப்போதெல்லாம் தேடுபொறிகள்,செய்தி செயலிகள் அடிக்கடி செயல்பாட்டு இடையூறுகளைச் சந்தித்து வருகிறது. சில நிமிடங்களில் மீட்டெடுக்கப் பட்டாலும் பயனர்களின் எண்ணிக்கை பல மில்லியன்கள் என்பதால் ஒரு சலசலப்பை ஏற்படுத்தி விடுகிறது. அப்படி நேற்நு காலையில் Google தேடல் பொறி சேவைகள் பாதிக்கப்பட்டது.
ஆனால் சிறிது நேரத்திலேயே சரி செய்யப்பட்டு மீண்டும் வேலை செய்து வருகிறது.நேற்று காலை உலகம் முழுவதும் தேடல் பொறி, கூகுள் ட்ரெண்ட்ஸ் உட்பட பல கூகுள் சேவைகள் பெரும் செயலிழப்பை எதிர்கொண்டன. இந்த அரிய சூழ்நிலைக்கான காரணங்களைக் கண்டறிய பல பயனர்கள் சமூக ஊடக வலைத்தளங்களை நாடினர்.
நம்மில் பெரும்பாலோர் கூகுள் தேடலை அதிகம் பயன்படுத்தப் பழகிவிட்டோம். அது நம் சிறு மூளையைப் போலவே மாறிவிட்டது. அதனால் கொஞ்ச நேரம் தேடுபொறி செயலிழந்ததும் மக்கள் செயலற்றுப் போயினர். உலகம் முழுவதும் ஆயிரக்கணக்கான வணிகங்கள் கூகுள் தொழில்நுட்ப நிறுவனத்தை நம்பியிருப்பதால் பயனர்கள் பீதி அடையத் தொடங்கினர்.
தற்போதைய நிலவரப்படி, பெரிய செயலிழப்புக்கான காரணத்தை கூகிள் வெளியிடவில்லை, ஆனால் திரையில் தோன்றிய செய்தியின் படி, இது சர்வர் சிக்கலாக இருக்கலாம் என்று தெரிகிறது. " இது ஒரு 502 பிழை. சேவையகம் ஒரு தற்காலிகப் பிழையை எதிர்கொண்டுள்ளது.
உங்கள் கோரிக்கையை முடிக்க முடியவில்லை. தயவுசெய்து 30 வினாடிகளில் மீண்டும் முயற்சிக்கவும்" என்று பயனர்கள் Google தேடலைப் பயன்படுத்த முயற்சித்தபோது செய்தி கேட்கப்பட்டது.
சில பயனர்களுக்கு"மன்னிக்கவும், ஆனால் உங்கள் கோரிக்கையைச் செயல்படுத்தும் போது உள் சேவையகப் பிழை ஏற்பட்டதாகத் தெரிகிறது. எங்கள் பொறியாளர்களுக்குத் தெரிவிக்கப்பட்டு, சிக்கலைத் தீர்க்கும் பணியில் ஈடுபட்டுள்ளனர்.
பிறகு முயற்சிக்கவும்." என்று வந்துள்ளது.
செயலிழப்பைக் கண்டறியும் தளமான டவுன்டெக்டரின் படி, செவ்வாய்க்கிழமை காலை 40,000 க்கும் மேற்பட்ட கூகுள் தேடல் செயலிழப்பு சிக்கல்கள் பதிவாகியுள்ளன. உலகளாவிய செயலிழப்பை எதிர்கொள்ளும் Google தேடல் பொறியின் இந்த அரிதான சூழ்நிலை, தொழில்நுட்ப நிறுவனத்தின் நற்பெயருக்கு களங்கம் விளைவிப்பதாக உள்ளது.
சேதமடைந்த தொப்புள் கொடி ஸ்டெம் செல்களை புத்துயிர் பெற வைக்கும் புதிய தொழில்நுட்பம்
சில வாரங்களுக்கு முன்பு, மைக்ரோசாப்ட் இதேபோன்ற சிக்கலை எதிர்கொண்டது, அதன் பிரபலமான தகவல் தொடர்பு தளமான MS குழுக்கள் உலகளாவிய செயலிழப்பை எதிர்கொண்டன.
"சமீபத்திய உள்ளகச் சேமிப்பகச் சேவைகள் தளர்ந்த இணைப்பைக் கொண்டிருப்பதை நாங்கள் கண்டறிந்துள்ளோம். இதன் விளைவாக பாதிப்பு ஏற்பட்டது. பாதிப்பைத் தணிக்க, ஆரோக்கியமான சேவைக்கு வழிநடத்த நாங்கள் பணியாற்றி வருகிறோம். கூடுதல் தகவல்களை TM402718 இன் கீழ் நிர்வாக மையத்தில் காணலாம். இவ்வாறு பயனர்களின் கவலைகளை நிவர்த்தி செய்ய மைக்ரோசாப்ட் ஒரு ட்விட்டர் பதிவில் எழுதியது. ஆனால் , கூகுள் நிறுவனம் இந்த சிக்கலைப் பற்றிய எந்த தகவலையும் இதுவரை வெளியிடவில்லை
